ශ්‍රීලංකන් ගුවන් සමාගම විසින් ජාත්‍යන්තර පිළිගැනීමට ලක් වූ, ශ්‍රී ලාංකික ගායිකා යොහානි ද සිල්වා ට සුබ පැතුම් එක්කර තිබේ.
ඇය ප්‍රති නිර්මාණය කළ ‘මැණිකේ මගේ හිතේ” ගිතය යූ ටියුබ් නැරඹුම් වාර මිලියන 100 ඉක්මවා යෑම වෙනුවෙන් එම සුබ පැතීමේ අවස්ථාව සංවිධානය කර තිබුණි.
ලොව පුරා රටවල් රැසක ජනාදරයට පත්වූ යොහානි ද සිල්වා කුනාල් දේශ්මුක් විසින් අධ්‍යක්ෂණය කළ ‘ෂිද්දත්’ හින්දි චිත්‍රපටයේ නිල තේමා ගීතයේ පසුබිමි ගායිකාව ලෙසින් ප්‍රථමවරට බොලිවුඩ් චිත්‍රපට පසුබිම් ගායනයට පිවිස තිබේ.
ඇයගේ ගායනය සහිත වීඩියෝව යූටියුබ් ඔස්සේ එළි දක්වා ඇති අතර එම ගීතයේ නිල පසුබිම් ගායකයා ලෙස ඉන්දීය ගායක මානන් බාරද්වාජ් කටයුතු කරයි.
About The Author
