ධම්මික ගේ පුද්ගලික ධනයෙන් නව පාස්පෝට් කාර්යාලයක්

සිය පුද්ගලික ධනයෙන් නව ආගමන විගමන කාර්යාලයක් යාපනයේ දි විවෘත කිරීමට බලාපොරොත්තු වන බව ටීවී දෙරණ ඔස්සේ විකාශය වූ 360 වැඩසටහන සමග එක්වෙමින් අමාත්‍ය ධම්මික පෙරේරා මහතා පැවැසීය.

ඒ අනුව ධම්මික පෙරේරා මහතා වැඩිදුරටත් පවසන්නේ අමාත්‍යාංශයේ වැඩවලට මසකට මිලියන 50ක් වැනි මුදලක් වැය කිරීමේ බලාපොරොත්තුවෙන් ඔහු දැනටමත් තම මුදල් වෙන් කර ඇති බවයි.

“මම මේ ඇමති ධූරයේ වැඩ භාරගත්තේ මගේ පුද්ගලික සල්ලිත් මම මාසේට මිලියන 50ක් ගානේ දානවා කියලා හිතාගෙන. ඉතින් ඒක හින්දා මට ඒ වගේ සල්ලියකින් ඕන දෙයක් කරන්න පුළුවන් මම ඒ වගේ Budget එකක් මම වෙනුවෙන් allocate කරගෙන තමයි මම මේ පුටුවේ ඉඳගත්තේ. මම ආණ්ඩුවේ සල්ලි බලාපොරොත්තුවෙන් නෙමෙයි. මොක ද ගන්න ඕන ඒවා ටෙන්ඩර් කොල් කර කර මාස තුන ඉන්න පුළුවන් එක්කෙනෙක් නෙවෙයිනේ ධම්මික පෙරේරා කියන්නේ. එයාට දැන් ඕනනම් හවස් වෙනකොට ගන්න ඕන. හවස් වෙනකොට ආණ්ඩුවේ සල්ලි වලින් ගන්න බැහැනේ. එතකොට පුද්ගලික සල්ලිවලින් තමයි ගන්න ඕන. මම ඒ ඔක්කොටම ලෑස්ති වෙලා තමයි මේ පුටුවේ ඉඳගත්තේ. මේ රටේ තියන වත්කම තමයි මේ රටේ ඉන්න මිනිස්සු. ඉතින් ඒ මිනිස්සු හරි පාරට ගේන්නේ කොහොම ද කියන එක තමයි අපේ වගකීම. ඉතින් මේ ප්‍රශ්නේ පේනවනේ. එතකොට මේ ප්‍රශ්නේ පේනකොට අපි වැඩ. දැන් මේ බැරිම පාර තමයි intensive care නිසා තමයි මම මේ ආණ්ඩුවට ආවේ නැත්නම් මම තනියම කරන්න පුළුවන් හැම දෙයක්ම එකතු වෙලා කරලා දෙනවා ආණ්ඩුවට. ආණ්ඩුවට කරනවා කියලා නෙවෙයිනේ අන්තිමට කියන්නේ, රටට කරන්නේ.”