ඔබේ ජංගම දුරකථනයේ ආරක්ෂාව හොඳින් ම තහවුරු කරගන්න පුළුවන් App එකක් ගැන තමයි අද මේ කියන්න යන්නේ. Antistalker කියන්නේ සම්පුර්ණයෙන් ම නොමිලේ download කරගන්න පුළුවන් app එකක්.නොමිලේ දුන්නා කියලා ඒකෙන් වෙන වැඩ කටයුතු වල නම් කිසිම අඩුපාඩුවක් නෑ.
ඕනම කෙනෙක් ගේ ස්මාර්ට් දුරකථනයක එක එක වැඩ පහසු කරගන්න පුළුවන් App විශාල ගණනක් තියෙනවා. ඒ App අතර ඔයාගෙ දත්ත හොරෙන් එකතු කරන apps වගේ දේවල් තියෙනවා නම් ඒ ගැන Antistalker හරහා ඉතාම ඉක්මනින් ම දැන ගන්න පුළුවන් . හිතන්න පොඩ්ඩක්, ඔබේ දුරකථනයේ තියෙන මොකක් හරි ඇප් එකක් ඔයාගේ කැමරා එක, මයික් එක, එහෙම නැති නම් location වගේ දෙයක් access කරන්න උත්සහ කරනවා නම් ඉතාම ඉක්මනින් මේ ඇප් එක හරහා ඔයාට ඒ ගැන දැනුම් දෙන්න කටයුතු කරනවා. ඒ විතරක් නෙමෙයි ඔයාගේ දත්ත ඔයාට හොරෙන් එකතු කරන තවත් Apps ඔබේ දුරකථනයේ තියෙනවා නම් ඒ ගැනත් මේ ඇප් එක මගින් ඔබව දැනුම්වත් කරනවා. දැන් නම් android 12වලත් මේ හා සමාන පහසුකමක් එකතු වෙලා තියෙනවා. ඒත් මේ app එක ඊට වඩා පහසුකම්වලින් වැඩි බව කියන්න පුළුවන්.
මේ ඇප් එකේ තියෙන විශේෂත්වය තමයි ඔයාගේ දත්ත අනවසරයෙන් අරගන්න app එකක් හමුවුණොත් මොනවද ඒ app එක ඔබෙන් ගත්ත data සහ ඒ දත්ත කොහෙටද යැවුණේ කියන එක ඉතා ම පහසුවෙන් හොයා ගන්න හැකිවීම . ඒ විතරක් නෙමෙයි මේ app එක ඔයාට ලබාදෙන දත්ත ඇතුළේ ඔයාගේ දත්ත හොරකම් කරපු IP ලිපිනය ගබඩා වන සර්වර් එක ගැන විස්තර වගේ ම අදාළ රටත් ඔයාට දැන ගන්න පුළුවන් වීම තවත් විශේෂත්වයක් වෙනවා.
එහෙනම් ඔබේ දුරකථනයේ ආරක්ෂාවට Antistalker ඇප් එක පාවිච්චි කරලා බලන්නකෝ..
About The Author
