වෙනත් කිසිදු ජනවර්ගයක් සමග මුසු නොවී Brazil Amazon වනාන්තර ප්‍රදේශයක ජීවත් වූ ලොව හුදෙකලා මිනිසා මියගොස් තිබෙන බව විදෙස් මාධ්‍ය වාර්තා කරනවා.
සතුන් දඩයම් කිරීමේ අරමුණින් පොළොව හාරා සැඟව දිවි ගෙවීම නිසා කුහරයේ මිනිසා ලෙසද ඔහුව හැදින්වූ අතර ආදිවාසී ගෝත්‍රයක අවසන් සාමාජිකයා වූ ඔහු වසර විසිහයක් පමණ Amazon වනාන්තරයේ මෙලෙස හුදෙකලාව ජීවත්වී තිබෙනවා.
Bolaviaට මායිම් වූ Rondonia ආශ්‍රිතව ජිවත් වූ මෙම ආදීවාසි ගෝත්‍රික කණ්ඩායමේ වැඩි පිරිසක් 1970 දී විශාල ගොවිබිම් පුලු‍ල් කිරීමේ ව්‍යාපෘතිවලදී ඝාතනයට ලක්වී තිබුන අතර පසුව එම ගෝත්‍රය හත්දෙනෙකුට සීමා වී සිටි අතර සෙසු හයදෙනා ඝාතනය කෙරුණේ 1995 වසරේ දී බවයි වාර්තා වෙන්නේ.
එතැන් සිට තනිව දිවිගෙවූ මෙම ආදිවාසි මිනිසාගේ වයස අවුරැදු අවුරුදු 55 ත් 65 ත් අතර වන බව අනුමාන කෙරෙන අතර ඔහුගේ මරණය ස්වභාවික හේතුවක් මත සිදුවන්නට ඇති බවයි විදෙස් මාධ්‍ය පවසන්නේ.
About The Author
