මේෂ ලග්නය –
මේෂ ලග්න ඔබට සමස්ථයක් ලෙස මේ සෙනසුරු මාරුව යහපති. සෙනසුරු ග්‍රහයා සෙනසුරුගේ කක්ෂයට ඇතුල් වීම සහ එහි ගමන් කිරීම ඔබට රැකියාවේ යම් සාර්ථකත්වයක් ඇතිකරයි. රැකියාවේ වරප්‍රසාද ලැබීමේ වාසනාව ඇත. ආදායම් වැඩි කරයි. ඇසුරු කරන්නන්ගෙන් පවා උදව් උපකාර ඇති කරයි. සෙනසුරු මහ දශා අන්තර් දශා ගෙවන මේෂ ලග්න හිමියන් වේද ඔවුන්ගේ උප්පත්තියෙන් සෙනසුරු පීඩා සහිත උවද කරදර බාධක යම් සීමාවක අඩුවක් ඇති වේ. නමුත් ඔබගේ දන්ඩස්ථානයේ සෙනසුරු ගමන් කිරීම මත ඔබ කිසියම් අයුක්තිසහගත ලෙස හරි හම්බ කරයිද නීතියේ රැහැනටකොටු වීමටත් ඉඩ ඇත. යුක්ති සහගතව රැකියාවල නියුතු වන්නන්ට තව තව්ත් විශ්ව ආශිර්වාද ඇති කරයි.
වෘෂභ ලග්නය –
වෘෂභ ලග්න හිමි ඔබගේ කර්මස්ථානයට සෙනසුරුගේ උදාව රැකියාවට යහපත් ලෙස බලපායි. රැකියාවට තිබූ බාධක බොහොමයක් ඉවත්ව යයි.
රැකිය අපේක්ෂක ඔබට රැකියා ලැබීමේ වරප්‍රසාද ඇත. සමාජ සේවාකටයුතු වල නියැලෙන ඔබට තරමක් වෙහෙසී වැඩ කිරීමට සිඳු වෙයි. ඉන් සාර්ථකත්වයක් ලැබිය හැක.
රැකියා පරිස්‍රය තුල ධාර්මික කටයුතු කිරීමට සහභාගි විය හැකි කාලයකි. විදෙස් සබඳතා සහිත රැකියා කරන්නන්ට යහපත් කාලයකි.
ඥාතීන් සමඟ තිබූ කෝන්තරද බොහොමයක් අඩු වෙයි. ඔබගේ කේන්දරයේ වෙනත් දුර්වල පිහිටීම් නැතිනම් මෙම වසර අවසානය තෙක් ඔබට යහපත උදාකරයි.
මිථුන ලග්නය –
මිථුන ලග්න ඔබ ගතකල පීඩාකාරී ලග්න අෂ්ඨම ඒරාෂ්ඨක සහ කණ්ඨක ශනි දෝෂය ඉවත් වී සාර්ථක අධ්‍යාපනය කරන දරුවන්ට අධ්‍යාපනා සර්ථකත්වයද..රැකියා කරන ඔබට රැකියාවේ යම් සාර්ථකත්වයක්ද හිමිවන වසරකි. විදෙස් ගත වීමට කාලයක සිට බාධා පැවතුනද එම බාධා ඉවත් වී සාර්ථකත්වය
ලැබිය හැකි කාලයකි. පසුගිය කාලයට වඩා වැඩියෙන් ආගමදහමට හිත නැඹුරු වෙයි.
වැඩිහිටියන්ට ගුරු වරුනට උපස්ථාන කිරීමට හිත පහල වෙයි. කාලයක සිට තිබූ අහංකාර ගති ඉවත් වෙයි. අසනීප පවා සුව අතට හැරෙන කාලයකි. ගත කල කාලයට වඩා යම් හොඳක් දැකිය හැකි කාලයකි.
කටක ලග්නය –
කටක ලග්න හිමි ඔබට මේ සෙනසුරු මාරුව තරමක් අවාසි සහගත වනු ඇත. ලග්නයෙන් අටවැන්නේ ලග්න අෂ්ඨම ඒරාෂ්ඨකයක් යෙදේ. තරමක් ඉවසීමෙන් බුද්ධියෙන් වැඩ කල යුතු කාලයකි. විවාහයේද යම් යම් හැල හැප්පීම් මතු වෙයි. රැකියාවටද යම් යම් ගැටළු මතුවන කාලයකි. මොනතරම් වෙහෙසී වැඩකලත් රැකියාවේ කරන තරමට ඵල නොමැති වෙයි. පාලක පක්ෂය සමඟ ගැටළු ඇතිවිය හැක. මේ කෙසේ වෙතත් හඳිසි ධනලාභා නිරායාෂ දේපලද ලැබීමේ වරප්‍රසාද ඇත. හැකි පමණ ආගමදහමට බරව ක්‍රියාකරන්න. සියළු අයහපත ශුභපැත්තට හරවා ගත හැක
සිංහ ලග්නය –
සිංහ ලග්න ඔබට ගත වූ කාලය ශුභ අශුභ මිශ්‍රව පැවතුනි. සෙනසුරු සෙනසුරුගේ මූලත්‍රිකෝණ රාශිය වන සිංහ ලග්න හිමි ඔබගේ හත් වැන්න හෙවත් විවාහ ස්ථානයට මේ ශනි සම්ප්‍රාප්තය ව්හාහ අපේක්ෂිත ඔබට විවාහ සාර්ථක කරගත හැකි කාලයකි. හවුල් ව්‍යාපාර කරන ඔබට යහපත් කාලයකි. නමුත් නිතර හවුල් කරුවන්ගේ වෙනස් වීම් ඇති වුවද සුහද කථා බහෙන් සියල්ල යථා තත්වයට පත් කරවා ගත හැක. නමුත් ඔබේ සවුක්‍ය තත්වය තරමක් දුර්වල විය හැක. ආගම දහමට අනුව උත්සහයෙන් වීර්‍යයයෙන් ප්‍රඥ්ඥාවන්තව ක්‍රියා කරන්න. සියල්ල යහපත් අතට හරවාගත හැක.
කන්‍යා ලග්නය –
කන්‍යා ලග්න ඔබට මෙම සෙනසුරු මාරුව යහපති. සෙනසුරු ඔබේ කේන්දරයේ හයවන භාවයට සම්ප්‍රාප්ත වීම තුල ප්‍රතිශක්තීකරණය යහපත් වෙයි. පසුගිය කාලයේ තිබූ සතුරු කරඳර සතුරු පීඩා දුරුවෙයි. පසුගිය් කාලකකවානුව තුල කර්මස්ථානයෙන් අටවැන්නේ සෙනසුරු ගමන් කිරීම බොහෝ කන්‍ය ලග්න හිමියන්ගේ තත්වය නම්බුවට පවා හානි සිඳු වූ කාලයකි. ගවුරවයට බොහෝ විට හානි සිඳු වූ කාලයකි.
ඒ තත්වය පහව යයි . එසේම මේ සෙනසුරු මාරුව පුද්ගලික හෝ වේවා වැටුප් ලබන රැකියා හෝ වේවා කන්‍ය ලග්න හිමි ඔබගේ රැකියා යහපත් අතට හැරේ.ආර්ථික ලාභ සහිතයි.
අධ්‍යාපන කරනදුවා දරුවන්ගේද අධ්‍යාපනයද යහපත් මාවතකට හැරෙයි.
තුලා ලග්නය –
තුලා ලග්න හිමි ඔබට පසුගිය වසර දෙකහමාර යහපත් කාලයකි. ඉඩකඩම් මිලදී ගැනීම් වාහන මිලදී ගැනීම් නිවාස කටයුතු සඳහා යහපත් කාලයක් ගතවිය. මව් පාර්ශවයේ ඥාතීන්ගෙන් උදව් ලැබෙන ඔවුන් සමඟ සම්බන්ධව කටයුතු කල හැකි කාලයක් විය.
රටේ මොනතරම් ප්‍රශ්ණ කරඳර තිබුනද ඔබේ අවශ්‍යතා සාමාන්‍ය පරිඳි සිඳු විය. මෙම ශනි ගෝචර ගමනද ඔබට යහපති. ශනි ශනිගේ කක්ෂය මතම සංක්‍රමනය ප්‍රේමසම්බන්ධ පසුගියකාලයේ කඩා වැටුනද නැවත යහපත් පැත්තට පමුණුවා ගතහැකි කාලයකි. දරුඵල අපේක්ෂාවෙන් සිටින ඔබට දරුඵල සිහින සැබෑකරවයි. ඔබේ ස්වයං රැකියා දියුණු කරයි.කලාකාමී තුලා ලග්න හිමිය්න්ට යහපත් කාලයක් උදාවනු ඇත. තුලා ලග්න ඔබට මෙම ගෝචරයද ඔබේ කේන්දරයේ වෙනත් නරක බලපෑම් නොමැතිනම් මෙකී කාරණා සියල්ල යහපත් වෙයි.
වෘශ්චික ලග්නය –
වෘෂ්චික ලග්න හිමි ඔබට ගත වූ සෙනසුරු චලිතය කලාකාමී ඔබට යහපති. ඔබේහැකියාවල් ඔප නැංවුණු කාලයකි. ඒ සමඟම විසඳාගැනීමට නොහැකි ලෙස ඉඩකඩම් දේපොල ප්‍රශ්ණ ඇතිවන්න ඇති. ඥාතීන් සමඟ යම් විරසකකම් වන්නට ඇති.
නිවාස කටයුතු අතරමඟ නවතින්න ඇති. වාහනයක් ගැනීමට බලාපොරොත්තු වුවද ඒවාට විවිධ බාධා පැමිණෙන්න ඇති. යම් යම් අලාභහානි තිබූ කාලයකි. නමුත් මේ සෙනසුරු ගෝචරය ඔබේ බොඳ වූ එම සිහින සැබෑකරගත හැකි කාලයකි. මන්ද ගාමී වුවද සාර්ථකත්වයක් දැකිය හැකිය.
පෙබරවාරි 18න් පසු ඔබට ලැබීමට කිසිය කිසියම් වත්කමක් මුදලක් ඇත්නම් ගුරුගේ කක්ෂය තුල සෙනසුරු ගමන් කරන මාර්තු මාසය තුල
වේගවත් ප්‍රතිඵල ඇති කරයි.ආර්ථික ලාභ
සහිතයි. වෙනත් නරක බලපෑම් නොමැතිනම් මෙම ගෝචරය වෘශ්චික ලග්න හිමි ඔබට ජයග්‍රාහී කාලයකි.
ධනු ලග්නය –
ධනු ලග්න හිමි ඔබට මෙම ශනි ගෝචරය ගතවූ කාලයටත් වඩා යහපති. කලාවේ නියුතු ඔබට වෙහෙස මහන්සි වන තරමට ප්‍රථිඵල ලඟා කරගතහැක. ධනු ලග්න මාධ්‍ය වේදීන්ට පසුගිය වසරට වඩා යහපතක් දැකිය හැක. බාල සහෝදරයන්ගෙන් උදව් ලැබේ. කෙටි ගමන් බිමන් යෙදේ. අසල් වැසියන් වෙනදාට වඩා සුහදත්වයක් දක්වයි. ශනි වික්‍රමස්ථානයේ ගෝචරවීම ඔබගේ වික්‍රමය යහපත් ආකාරයක් ගනී. පසුගිය කාලය තුල පැවති කලබලය වෙනුවට ඉවසීම ඇති වෙයි.
මාධ්‍ය හරහා වෙළඳාම් කරන ඔබට දියුණුව ලඟා කරයි. මෙම ගෝචරය ඔබට කිසිසේත් නරක නැත.
මකර ලග්නය –
මකර ලග්න හිමි ඔබට ලග්නය මත සෙනසුරු ගමන් කිරීම යම් කාල වල ශුභද යම් කාලවල අශුභද පැවතුනි. ශනි අනෙක් ග්‍රහයන්ට හිමි කක්ෂ මත ගමං කරන ආකාරය මත ශුභ අශුභ මිශ්‍රව පැවතුනි. නමුත් ලැබීම් වලට යම් ගැටළුවක් පැවතුනි. ලග්න අධිපති ශනි ලග්නයේ ගෝචර වුවද අයස්ථානයෙන් දොලොස් වැන්න හෙයින් යම් පාඩු සිඳු වූ කාලයකි.ශනිට අයිති මුලත්‍රිකෝණ රාශියට ශනි සංක්‍රමණය වීම අතමිට සරුවන කාලයකි. ව්‍යාපාර කරන ඔබට ව්‍යාපාර දියුණුව ලඟාවේ. කටවචන පාවිච්චි කර රැකියා කරන බ්‍රෝකර් වරුන් මාධ්‍ය වේදීන්ට හොඳකාලයකි. වංචා දූෂණ වලින් තොර සාධාරණ රැකියා කරන ඔබේ දියුණුව සාර්ථකත්වය ඉහල යයි. වෙනත් අශුභ බලපෑම් නොමැතිනම් මේ සෙනසුරු මාරුව ඔබට යහපත් වනු ඇත.
කුම්බ ලග්නය –
ගතවූ සෙනසුරු මාරුවෙන් වඩාම පීඩාවට පත් වූයේ ඔබයි. සෑහෙන කරඳර ප්‍රශ්ණ ණය තුරස් වලින් හෙම්බත් වූ ඔබට නිවස හැරදා යාමටද සියදිවි නසා ගැනීමට හිත දුන් කාලයකි. අසනීප රෝහල් ගතවීම්ද නීතිමය ගැටළුද එකපිට එක වැටුණු කාලයකි. ඔබ ඉන් නිදහස් වනු ඇත. හිසේ තිබූ ලොකුම බරක් බිම තැබුවාසේ දැනේ. නිදහසේ හුස්ම ගත හැක. ආරෝග්‍යශාලා වල සේවය කරන ඔබටද තරම් නිදහසේ වැඩකලහැකි කාලයකි.
හිරවී පැවති ලෝන් සහ වෙනත් ණය වාරික ගෙවාදැමීමට මාර්ග සැලසේ. ලැබීමටද ගෙවීමට ඇතිදේ සමානුපාතික වේ. කාලයක සිට පැවති රෝග වලින් සුව ලැබිය හැක. කුම්බ ලග්න හිමි ඔබට මෙම සෙනසුරු මාරුව කේන්දරයේ චන්ද්‍ර ඒරාෂ්ඨ හෝ අෂ්ඨම ඒරාෂ්ඨ නොමැතිනම් කිසිඳු අයහපතක් නැත.
මීණ ලග්නය –
මීණ ලග්න හිමි ඔබට මෙම සෙනසුරු මාරුව තරමක් අපහසුකම් ඇති කරයි. හඳිසි මුදල් හානි.සොර සතුරු බිය ඇති විය හැක.
ගමන් බිමන් යනවිට තරමක් ප්‍රවේසම් වන්න.මුදල් පසුම්බිය වටිනා බඩු භාණ්ඩ ප්‍රවේසම් කරගන්න. වැටීම් තැලීම් සිඳුවිය හැකි හෙයින් ප්‍රවේසම් වන්න. රෝහල් වල ගිලනුන්ට දාන මාන දෙන්න. මෙම කාලය අනුන් වෙනුවෙන් හෝ ඔබට රෝහල් වල ඇවිදීමට සිඳුවන කාලයකි. රෝහල් වල වැඩ කරන ඔබට මෙම කාලය ඉතා යහපත් ලෙස හරවාගත හැක. නිතර අලාභ ඇතිවන කාලයක් හෙයින් මුදල් හුවමාරු නිසා කරඳර ඇති විය හැක. මොකද මීණලාග්න ඔබ හිතහොඳකම නිසා නිතර ප්‍රශ්ණඇතිකරගන්නා අයෙකි. අවබෝධයෙන් සිටීම තුල මෙම සියළු කාරණා යහපත් අතට හාරවාගත හැක. මීණ ලග්න ඔබට සියළු ජය සතුට ප්‍රාර්ථනා කරමි.
මෙම ඵලාපල සෙනසුරු මාරුව සම්බන්ධව පමණි. එනිසා පූර්ණලෙස ඔබගේ කේන්දරය ඔබට විශ්වාසී ජෝතිෂ්‍ය මහතෙකු හෝ මහත්මියක ලවා පරීක්ෂාකර ඊට අදාල ප්‍රතිකර්ම සිඳු කරගන්න.ඔබ සැමට තෙරුවන් සරණයි ..
About The Author
