දරුණුම පරාජයේ ලෝක වාර්තාව ශ්‍රී ලංකාවට

සංචාරක ශ්‍රී ලංකා කණ්ඩායම සහ ඉන්දීය කණ්ඩායම අතර පැවති තුන්වන හා අවසන් එක්දින තරගයෙන් ශ්‍රී ලංකාව ලකුණු 317ක දැවැන්ත පරාජයක් ලැබීය.

ඊයේ පැවැති තරඟයේ මුලින් පන්දුවට පහරදුන් ඉන්දීය පිල නියමිත පන්දුවාර 50 අවසානයේ කඩුලු 5ක් දැවී ලකුණු 390 ක් ලබා ගත් අතර පිලිතුරු ඉනිම ක්‍රීඩා කළ ශ්‍රී ලංකා කණ්ඩායම පන්දුවාර 22 කදී සියලු දෙනා දැවී ලබා ගත්තේ ලකුණු 73කි.මෙම ජයග්‍රහණය සමග ඉන්දියාවට පන්දුවාර 50 තරග තුනකින් සමන්විත එක්දින ක්‍රිකට් තරගාවලියේ ජය 3-0ක් ලෙස හිමි විය.

ඒ අනුව ශ්‍රී ලංකා කණ්ඩායම ලකුණු 317කින් පරාජයට පත් වූයේ එතෙක් මෙතෙක් ක්‍රිකට් ඉතිහාසයේ ලකුණු 300 ඉක්මවා පරතරයකින් පරාජය වූ පළමු කණ්ඩායම බවට පත්වෙමිනි.

මීට පෙර වැඩිම ලකුණු පරතරයකින් පරාජය වී ඇත්තේ නවසීලන්ත කණ්ඩායම හමුවේ අයර්ලන්ත කණ්ඩායමයි. අයර්ලන්ත කණ්ඩායම එහිදී පරාජය වූයේ ලකුණු 290 කිනි.