13 වැනි ආණ්ඩුක්‍රම ව්‍යවස්ථා සංශෝධනය සම්පූර්ණයෙන්ම ක්‍රියාත්මක කළ යුතුය යන්න ජාතික ජන බලවේගයේ මතය බව එම පක්ෂයේ පාර්ලිමේන්තු මන්ත්‍රීනී හරිනි අමරසූරිය මහත්මිය පවසයි.
“දි අයිලන්ඩ්” පුවත්පත සමග අදහස් දක්වමින් ඒ මහත්මිය මේ බව ප්‍රකාශ කර ඇත.
13 වැනි ආණ්ඩුක්‍රම ව්‍යවස්ථා සංශෝධනය ජාතික ගැටලුවට විසඳුමක් වශයෙන් ඉදිරිපත් කෙරුණු නිසාත් දැනටමත් එය මෙරට ආණ්ඩුක්‍රම ව්‍යවස්ථාවෙහි කොටසක් වශයෙන් පවතින නිසාත් එය සම්පූර්ණයෙන්ම ක්‍රියාත්මක කළ යුතුය යන්න තම පක්ෂයේ මතය බවයි ඒ මහත්මිය සඳහන් කරන්නේ. කෙසේවෙතත් 13 සම්පූර්ණයෙන්ම ක්‍රියාත්මක කළත් ජාතික ගැටලුව එයින් විසඳේද යන්න සම්බන්ධයෙන් සිය පක්ෂය තුළ විවාදයක් පවතින බවත් ඒ මහත්මිය ප්‍රකාශ කර තිබේ.
13 වන ආණ්ඩුක්‍රම ව්‍යවස්ථා සංශෝධනයට ජනතා විමුක්ති පෙරමුණ එකඟ නොවන බව එම පක්ෂයේ හිටපු පාර්ලිමේන්තු මන්ත්‍රී සුනිල් හඳුන්නෙත්ති මහතා පවසයි.
දෙරණ 360 වැඩසටහනට එක්වෙමින් මන්ත්‍රීවරයා මේ බව ප්‍රකාශ කළේය.
ප්‍රශ්නය – ජාතික ජන බලවේගය 13 වැනි සංශෝධනය එක හෙළාම පිළිගන්නවා ද? එහෙම නැතිනම් ප්‍රතික්ෂේප කරනවා ද?
“එක හෙළාම පිළිගන්නේ නෑ. “
ප්‍රශ්නය – කෙච්චර දුරට ද ගිළිගන්නේ?
“කොච්චර දුරටවත් පිළිගන්නේ නෑ.”
ප්‍රශ්නය – හෙට උදේට අපි කිව්වට කමක් නැද්ද ජාතික ජන බලවේගය 13ට විරුද්ධයි කියලා.
“මට හිතෙන්නේ එහෙම කියයිද දන්නේ නෑ”
ප්‍රශ්නය – නෑ කිව්වට කමන් නැද්ද?
“මට හිතෙන්නේ එහෙම කියයිද දන්නේ නෑ”
ප්‍රශ්නය – නෑ, මම හෙට ප්‍රවෘත්තිවලට දානවා හඳුන්නෙත්ති මහතා කිව්වා කියලා?
“මම ආය කිව්වනේ පළාත් සභා හඳුන්වා දෙනකොටම 13යි පළාත් සභාවෙයි වෙනස තමයි පොලිස් බලතල සහ ඉඩම් බලතල. ඉතින් පොලිස් බලතල සහ ඉඩම් බලතල දැන් කොහෙද තියෙන්නේ. ව්‍යවස්ථාවේ තියෙනවා. හැබැයි ලංකාවේ ක්‍රියාත්මක කරන්න බෑ.”
ප්‍රශ්නය – ක්‍රියාත්මක වුණේ නෑ.
“ක්‍රියාත්මක වුණේ නැත්තේ මොකද දන්නවාද ? ජනතව කැමති නෑ. ඔයා හෙට කියන්න ජනතා විමුක්ති පෙරමුණ වෙනුවෙන් මම කිව්වා කියලා 13 වැනි ව්‍යවස්ථා සංශෝධනයට අපි එකඟ නෑ.”
About The Author
