අලුත්ගම කළුවාමෝදර ප්‍රදේශයේ පුද්ගලයන් තිදෙනකුව ඇතුළු පුද්ගලයන් පස්දෙනකු නිදැල්ලේ පැමිණ සපා කා ඇති අතර එම සුනඛයා ජලභීතිකා රෝගය වැළදී මියගිය පසු එම සුනඛයාව ඇති දැඩි කළ ප්‍රංශ ජාතිකයකු අත්අඩංගුවට ගත් බව අලුත්ගම පොලිසිය පවසයි .
මෙසේ අත්අඩංගුවට ගෙන ඇත්තේ බෙන්තොට ,අංගාගොඩ, ලිපිනයේ පදිංචි එරික් මාර්ෂල් බර්නාඩ් ගෝල්මාන්මැති 84 හැවිරිදි ප්‍රංශජාතික පුද්ගලයකු බව පොලිසිය කීය.
සැකකරු විසින් ග්‍රෙඩන් වර්ගයට අයත් අවුරුදු 6 ක් පමණ වයසැති බැල්ලියක සුරතලයට ඇති දැඩි කර ඇති අතර , බැල්ලිය ඉකුත් 23 දා එම නිවසින් පැන ඇවිත් පුද්ගලයන් පස් දෙනකු සහ නිවාසවල ඇති කරන සුනඛයන් තිදෙනෙකු සපාකා තිබුණි.
මේ වන විට එම බැල්ලිය සපා කා තිබෙන නිවාසවල ඇති කළ සුනඛයන් දෙදෙනකු ද මිය ගොස් ඇති බව පොලිසිය කියයි.
About The Author
